Suzuki 4x4 Klubb Norge inviterer til årstreff 2009

[yakuza]

Legger inn starten på treffrapporten for 2008 eg aldri vart ferdig med, som en teaser for årets treff:

Suzuki 4x4 Klubb Norge sitt årstreff vart i 2008 halde i kjørefeltet til Nord-Odal Offroaders og treffcamp var Songnabben Camping. Oppmøtet vart omtrent som forventa, men klubben ønsker såklart at fleire ville legge turen til treff saman med oss. Som sist var det fin blanding av gamle travere og nokre meir nye medlemmer. Fredagen gikk med til transportetapper og mange hadde et godt stykke med vei bak seg når dei kom fram til campen. Bernt Solheim, Arnfinn Mork og Terje Solvang hadde alle kjørt over 50 mil for å kome seg til årets Suzukitreff. Terje hadde nok lengst vei, men ikkje lenger enn at han etter litt pønsking på laurdagen kom fram til at en snarveg gjennom Sverige med harryhandel og Strømstadferga på returen vart ein fin turbotur.

På fredagen hadde Terje Normann sett opp eit telt i tilfelle regn og laga til ein fin liten treffplass i utkanten av campingplassen. Seinare drog Terje og Arnfinn Mork ein tur ut i kjørefeltet og sette opp 5 seksjonar som dei tenkte deltakarane skulle få bryne seg på dagen etter. Etter litt dugnad i løypa drog dei tilbake til campen og der hadde gamle og nye medlemmer ein veldig trivelig og sosial kveld saman. Dei fleste låg i telt og det var faktisk ledige hytter.

Laurdag morgon tusla gjengen saman og kjørte i flokk og følge ut til feltet. Her kom det også fleire hyggelige deltakarar til som ikkje hadde tilbrakt fredagsnatta på campingen. Etter eit kort kjøremøte med registrering og innsamling av kjøreavgift og forsikring, gjekk vi laus på seksjonane. Etter forholdsvis kort tid viste det seg at dei var litt enkle når fleire bilar hadde kjørt gjennom alle seksjonane tidlig på dagen. Blant anna hadde tre bilar med forholsdvis lite modifikasjonar sneke seg gjennom myrholet før det vart oppkjørt og djupt, og dei andre seksjonane vart lett match for SJ’ar med sperrer, kryper og gode hjul. Trialbilane kjørte også gjennom seksjonane lett, men eitpar av dei var sitt ansvar bevisst og gjorde myrholet djupt og tilsynelatande ugjennomtrengelig. Vinsjing måtte til etter at Terje Normann og Sven Glosli hadde ei uhøgtidelig myrdusjkonkurranse der begge fikk dekorert bilane sine temmelig grundig. Sven og Cecilie stilte tradisjonen tru i kledelig kvitt, og gjennomførte med fin stil. Sven fikk brukt vinsjen tilstrekkelig til at han seinare på kvelden fikk ta heim gentlemannsprisen. Det faktum at han var ikledd slips for dagen hjalp såklart godt til.
Terje Normann hang ved minst ei anledning fast i den andre enden av vinsjwiren til Sven og fikk også pris for beste fastkjøring. Søndagen skulle seinare vise at Terje hadde fått prisen med rette...
LJ80’en med Sven Arne og copilot Michelle stilte i ei klasse for seg sjøl. I fantastisk god trial og suzukiånd dansa han gjennom, over, forbi og på kanten av hindera til stor forlystelse for dei som såg på. Etter at myrholet var blitt godt oppkjørt og djupt og fint, viste han oss nok ein gong for ein fantastisk bil LJ80 er og for ein god kontroll ein erfaren trialsjåfør har. Det gikk eit gledeshyl gjennom skogen på Granerud når LJ’en elegant dansa over myrholet som nær hadde slukt 35” SJ’en til Terje Normann like før. Publikumsprisen gikk utvilsomt og velfortent til Sven Arne.
Utover dagen kosa deltakarane seg i løypene og rundt i feltet på Granerud. Været var heilt upåklagelig og alle hadde ein fin dag.